Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 35-րդ հոդվածի 1-ին մասի 16 կետով, 43-րդ հոդվածի 1-ին մասի 3 կետով,Քաղաքացիական օրենսգրքի 188-րդ հոդվածի 5-րդ մասով,համաձայն Հայաստանի Հանրապետության Կառավարության 18.05.2006թ. <<Ինքնակամ կառույցների օրինականացման և տնօրինման կարգը հաստատելու մասին>> թիվ 912-Ն, 2003թվականի ապրիլի 17-ի <<Բազմաբնակարան բնակելի շենքերի , բնակարանների , անհատական բնակելի տների, այգետնակների (ամառանոցների) և դրանց կից շինությունների, առանձին կանգնած հասարակական ու արտադրական նշանակության շինությունների, բազմաբնակարան բնակելի շենքերում տեղակայված հասարակական և արտադրական նշանակության շինությունների տեղադրության (տարածագնահատման գոտիականության) գործակիցները հաստատելու մասին>> թիվ 470-Ն որոշմամբ և հաշվի առնելով << ՀՈՎԱՐՍ ՇԻՆ>> ՍՊԸ-ի 11.01.2019թ., 18.01.2019թ., 05.02.2019թ. և 07.02.2019թ. տրված տեխնիկական եզրակացություններն ու <<ԶՊՄԿ>> ՓԲԸ գլխավոր տնօրենի տեղակալ Ն. Ամբարյանի դիմումը՝
ՈՐՈՇՈՒՄ ԵՄ
1. Անշարժ գույքի նկատմամբ իրավունքների պետական գրանցման թիվ 11012019-09-0023 վկայականի համաձայն ՀՀ Սյունիքի մարզի Քաջարան համայնքի ք. Քաջարան, Գետափնյա 1,7 հասցեում գտնվող <<ԶՊՄԿ>> ՓԲԸ-ին սեփականության իրաունքով պատկանող արդյունաբերության, ընդերքօգտագործման և այլ արտադրական օբյեկտների նշանակության 5,2484 հա սպասարկման հողամասում ինքնակամ կառուցված 467,9 քառ.մ ընդհանուր արտաքին /421.64 քառ.մ ներքին/ մակերեսով վարչական շենքի 1-ին և 2-րդ հարկերում կցակառույցները և 3-րդ հարկը ամբողջությամբ (1-ին հարկում՝ 20,6 քառ.մ արտաքին /15.42 քառ.մ ներքին/ մակերեսով, 2-րդ հարկում՝ 20,6 քառ.մ արտաքին /15.24 քառ.մ ներքին/ և 3-րդ հարկում՝ 426,7քառ.մ արտաքին /390.98 քառ.մ ներքին ) , 28,9 քառ.մ արտաքին /23.05 քառ.մ ներքին/ մակերեսով պահակակետը, 47,9 քառ.մ արտաքին /30.92 քառ.մ ներքին/ մակերեսով օժանդակ շինությունը, 163.7 քառ.մ արտաքին /144.8 քառ.մ ներքին/ մակերեսով պահեստը, 37,31 քառ.մ ընդհանուր արտաքին մակերեսով 4 (չորս) միավոր հենապատերը և 5 (հինգ) միավոր դռան բացվածքները, որոնց պահպանումը չեն խախտում այլ անձանց իրավունքները և օրենքով պահպանվող շահերը և վտանգ չեն սպառնում քաղաքացիների կյանքին և առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում, չեն առաջացնում հարկադիր սերվիտուտ պահանջելու իրավունք, ճանաչել օրինական և թույլատրել գրանցելու որպես << ԶՊՄԿ>> ՓԲԸ-ի սեփականություն:
1.1.Նշված շինությունները, որպես սեփականություն ձեռք բերելու համար շինարարություն իրականացրած <<ԶՊՄԿ>> ՓԲԸ-ին առաջարկել վճարելու համայնքային բյուջե օտարման համար սահմանված հետևյալ վճարները՝ (467.9+28.9+163.7+47.9+37.31)x0,11x15000=1 230 422,0 (մեկ միլիոն երկու հարյուր երեսուն հազար չորս հարյուր քսաներկու) ՀՀ դրամ շինությունների և 5 x 10 000=50 000 /հիսուն հազար/ ՀՀ դրամ բացվածքների համար:
2. Օրինականացման համար սահմանված վճարները 60-օրյա ժամկետում չվճարելու դեպքում որոշումը համարվում է ուժը կորցրած:
3. Սույն որոշումից ծագող իրավունքները ենթակա են գրանցման: