Քաղաքացի Ռաֆիկ Ռուբենի Խաչատրյանը հանդիսանալով գույքահարկ վճարող սուբյեկտ, ‹‹Գույքահարկի մասին›› ՀՀօրենքով սահմանված կարգով չի կատարել գույքահարկ վճարելու իր պարտականությունը, ինչի հետևանքով 2020 փետրվարի 24-ին ‹‹Վարչարարության հիմունքների և վարչական վարույթի մասին›› ՀՀ օրենքի 30-րդ հոդվածի 1-ին մասի բ/կետով Քաջարանի համայնքապետարանի աշխատակազմում հարուցվել է վարչական վարույթ՝/թիվ 47/գ2020/ գույքահարկի գումարի գանձման վերաբերյալ քննելու օրակարգով: ‹‹Վարչարարության հիմունքների և վարչական վարույթի մասին›› ՀՀ օրենք ի նորմերին համապատասխան հարուցված և հետագայում իրականացված վարչական վարույթի ընթացքում ՝ վարչական գործի փաստական հանգամանքների բազմակողմանի, լրիվ և օբյեկտիվ քննրկման արդյունքում պարզվեց հետևյալը.
Վարչական ակտ ընդունելու համար հիմք հանդիսացող փաստական հանգամանքները
Համաձայն համայնքապետարանի ֆինանսատնտեսագիտական բաժնի և ՃՈ Կապանի ՀՔԲ տրամադրված տվյալների՝ քննարկվող գույքը՝ ՀՈՆԴԱ CRV2,0 մակնիշի 14ՏՏ979պ/հ փոխադրամիջոցը սեփականության իրավունքով պատկանում է Ռաֆիկ Խաչատրյանին, միաժամանակ վերջինս հանդիսանում է ‹‹Գույքահարկի մասին›› ՀՀ օրենքով հարկվող օբյեկտ, և վճարման ենթակա գույքահարկը կազմում 57600 ՀՀ դրամ, ինչը սահմանված ժամկետում չի վճարվել: Ավելին՝ գույքահարկը օրենքով նախատեսված ժամկետում չվճարելու արդյունքում առաջացել է նաև տույժ՝ 7214ՀՀ դրամի չափով:
Ս/թ փետրվարի 16-ին պատշաճորեն ծանուցվել է 2020թ փետրվարի 24-ին, ժամը 11։00-ին, կայանալիք հարուցված վարչական վարույթի լսումների մասին/հիմք 16/02/2020թ փոստային անդորրագիրը/:
Վերջինս ներկայացել է վարչական վարույթի լսումներին և միջնորդություն հարուցել այն մասին, որ Սյունիքի մարզի ընդհանուր իրավասության առաջին ատյանի դատարանում գտնվող աշխատանքային վեճով պայմանավորված ակնկալում է ֆինանսական փոխհատուցում, որի պայմաններում կկարողանա վճարել գույքահարկի պարտքը , խնդրել է վարչական վարույթը կասեցնել։ 24/02/2020թ Քաջարան համայնքի ղեկավարի թիվ 94-Ա որոշմամբ վարույթը կասցվել է մինչև 60 օր լրանալը։
Ս/թ հունիսի 11-ի դրությամբ Ռաֆիկ Խաչատրյանը դեռևս չէր մարել գույքահարկի պարտքը, սակայն արդեն ավարտվել էր կասեցումն առաջադրած հանգամանքները, ուստի վարչական վարույթը շարունակվել է և նշանակվել են վարչական լսումներ ս/թ հունիսի 19-ին ժամը 12։00-ին։ Վերջինս չէր ներակայացել վարչական լսումներին։
Վարչական ակտ ընդունելու իրավական հիմնավորումները
ՀՀ Սահմանադրության 45-րդ հոդածի համաձայն՝ յուրաքանչյուր ոք պարտավոր է օրենքով սահմանված կարգով և չափով մուծել հարկեր, կատարել պարտադիր այլ վճարումներ: ‹‹Գույքահարկի մասին›› ՀՀ օրենքի 2-րդ հոդվածի համաձայն՝ գույքահարկը սեփականության իրավունքով նշված օրենքի 3-րդ հոդվածում նշված անձանց պատկանող հարկվող օբյեկտ համարվող գույքի համար սույն օրենքով սահմանված կարգով և չափով համապատասխան բյուջեներ վճարվող ուղղակի հարկ է, որը կախված է հարկ վճարողների տնտեսական գործունեության արդյունքներից, իսկ նույն օրենքի 13 հոդվածի՝ օրենսդրության սահմանված կարգով և համամասնությամբ գույքահարկի գումարը վճարվում է՝ համայնքի վարչական տարածքում գտնվող շինությունների համար՝ հարկվող օբյեկտի գտնվելու վայրի համայնքի բյուջե: Համաձայն ‹‹Հարկերի մասին›› ՀՀ օրենքի 23-րդ հոդվածի՝ հարկի վճարումը սահմանված ժամկետներից ուշացնելու դեպքում ժմակետանց յուրաքանչյուր օրվա համար հարկ վճարողը վճարում է տույժ՝ ժամանակին չմուծված հարկի գումարի 0.15% -ի չափով: Համաձայն ‹‹Տեղական ինքնակառավարման մասին›› ՀՀ օրենքի 38 հոդվածի 1-ին մասի 3-րդ և 4-րդ կետերով՝ համայնքի ղեկավարը օրենքով սահմանված կարգով կազմակերպում տեղական հարկերի, տուրքերի և վճարների, համայնքի վարչական սահմաններում գտնվող համայնքային և պետական սեփականություն հանդիսացող հողերի , համայնքի սեփականություն հանդիսացող գույքի վարձավճարների գանձումն ու վերահսկումը, միաժամանակ համայնքի ղեկավարը տեղական հարկերը, տուրքերը և վճարները չվճարող անձանց նկատմամբ օրենքով սահմանված կարգով կիրառում է համապատասխան միջոցներ, իսկ նույն օրենքի 35 հոդվածի 1-ին մասի 26-րդ կետով՝ համայնքի ղեկավարը օրենքով նախատեսված դեպքերում և կարգով անձանց ենթարկում է վարչական պատասխանատվության։
Համաձայն ‹‹Հարկերի մասին›› ՀՀ օրենքի 29.1-ին հոդվածի 1-ին մասի՝ հարկային պարտավորությունների գծով գումարների վճարումը սահմանված ժամկետից ուշացնելու դեպքում տեղական ինքնակառավարման մարմինը որոշում է կայացնում հարկ վճարողից ժամանակին չվճարված գումարը գանձելու վերաբերյալ և այդ մասին պատշաճ ծանուցում վերջինիս:
Ղեկավարվելով ‹‹Վարչարարության հիմունքների և վարչական վարույթի մասին›› ՀՀ օրենքի 53-րդ, 58-60-րդ հոդվածներով
Ո Ր Ո Շ Ե Ց Ի
1. Վարչական վարույթի մասնակից Ռաֆիկ Ռուբենի Խաչատրյանից հօգուտ Քաջարան համայնքի բյուջե գանձել 64814/վաթսունչորս հազար ութ հարյուր տասնչորս/ՀՀ դրամ որպես ՀՈՆԴԱ CRV2,0 մակնիշի 14ՏՏ979 պ/հփոխադրամիջոցի ենթակա գույքահարկի գումար, որից 7214 ՀՀ դրամը որպես պարտավորությունը չկատարելու արդյունքում հաշվարկված տույժ:
2.Սույն որոշումը կարող է վարչական կարգով բողոքարկվել համայնքի ղեկավարին՝ դրա ուժի մեջ մտնելու օրվանից երկու ամսվա ընթացքում կամ դատական կարգով՝ Հայաստանի Հանրապետության վարչական դատարան ՝նույն ժամկետում:
3.Սույն որոշման պահանջները չկատարելու դեպքում, ‹‹Վարչարարության հիմունքների և վարչական վարույթի մասին›› ՀՀ օրենքի 88 հոդվածով սահմանված կարգով այն ենթակա է հարկադիր կատարման՝ ՀՀ ԱՆ Հարկադիր կատարման միջոցով, անբողոքարկելի դառնալուց հետո՝ եռամսյա ժամկետում: