Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 28-րդ կետով, 35-րդ հոդվածի 1-ին մասի 6-րդ և 7-րդ կետերով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով, հիմք ընդունելով Հայաստանի Հանրապետության Սյունիքի մարզպետարանի գլխավոր քարտուղարի՝ 27․09․2021թվականի N 04/09/1/06310-2021 և 11․10․2021 թվականի N 04/09/1/06708-2021 հանձնարարականները, Սյունիքի մարզի Քաջարան համայնքի ավագանին որոշում է՝ 1 Հաստատել՝ Հայաստանի Հանրապետության Սյունիքի մարզի Քաջարան համայնքի ավագանու 2021 թվականի փետրվարի 21-ի ««Հայաստանի Հանրապետության Սյունիքի մարզի Քաջարանի համայնքապետարանի աշխատակազմ» համայնքային կառավարչական հիմնարկի կառուցվածքը, աշխատողների թվաքանակը, հաստիքացուցակը, պաշտոնային դրույքաչափերը և Քաջարանի համայնքային ենթակայության հիմնարկների աշխատողների թվաքանակը, հաստիքացուցակը, պաշտոնային դրույքաչափերը հաստատելու մասին» N 07-Ա որոշման N1 և N2 հավելվածներում կատարված փոփոխությունը.
2 Առաջարկել Քաջարան համայնքի ղեկավարին՝ սույն որոշմամբ հաստատված N1 և N2 հավելվածների՝ Քաջարանի համայնքապետարանի աշխատակազամի կառուցվածքի և համայնքային ծառայության պաշտոնների անվանացանկում կատարվող փոփոխությունը սահմանված կարգով ներկայացնել Հայաստանի Հանրապետության կառավարության լիազորված պետական կառավարման մարմին՝ դրանք օրենքով սահմանված կարգով հաստատելու համար:
3 Սույն որոշման N1 և N2 հավելվածների Հայաստանի Հանրապետության Սյունիքի մարզի Քաջարանի համայնքապետարանի աշխատակազմի համայնքային ծառայության պաշտոնների անվանացանկում համապատասխան փոփոխությունը ուժի մեջ կմտնեն՝ Հայաստանի Հանրապետության կառավարության լիազորված պետական կառավարման մարմնի կողմից համապատասխան իրավական ակտն ուժի մեջ մտնելու պահից:
4 Սույն որոշումն ուժի մեջ մտնելու պահից ուժը կորցրած ճանաչել Հայաստանի Հանրապետության Սյունիքի մարզի Քաջարան համայնքի ավագանու 2021 թվականի փետրվարի 21-ի N07-Ա որոշման N1 և N2 հավելվածները:
|